భగవద్గీత - ఆత్మసంయమ యోగము - ఆరవ అధ్యాయము
ఆత్మసంయమ యోగమునందలి ప్రధాన విషయములు
కర్మయోగసాధనయందును, సాంఖ్యయోగసాధనయందును ఉపయుక్తమగు ధ్యానయోగవర్ణనము ఈ అధ్యాయమునందు స్పష్టముగా విశదపరచబడినది. ధ్యానయోగమునందు శరీరము, ఇంద్రియములు, మనస్సు, బుద్ధి అనువాని సంయమము పరమావశ్యకము. శరీరము, ఇంద్రియములు, మనస్సు, బుద్ధి – ఇవి అన్నియు ఆత్మ అను పదముతో పేర్కొనబడును. ఈ అధ్యాయమునందు వీటి సంయమవర్ణనమే విశేషముగా చేయబడినది. కావున ఈ అధ్యాయమును ‘ఆత్మసంయమయోగము’ అను పేరుతో పేర్కొనుట జరిగినది.
- నిష్కామకర్మయోగ ప్రస్తావన, యోగారూడుని లక్షణములు (1వ శ్లో॥ నుండి 4వ శ్లో॥ వరకు)
- ఆత్మోద్ధరణ, జితేంద్రియుడగు జ్ఞానియొక్క స్వభావము (5వ శ్లో॥ నుండి 10వ శ్లో॥ వరకు)
- ధ్యానయోగ పద్ధతి (11వ శ్లో॥ నుండి 32వ శ్లో॥ వరకు)
- మనోనిగ్రహమునుగూర్చిన విచారణ (33వ శ్లో॥ నుండి 36వ శ్లో॥ వరకు)
- యోగభ్రష్టుని సద్గతి, ధ్యానయోగముయొక్క మహిమ (37వ శ్లో॥ నుండి 47వ శ్లో॥ వరకు)