భగవద్గీత - భక్తి యోగము - పన్నెండవ అధ్యాయము
భక్తి యోగమునందలి ప్రధాన విషయములు
భక్తిని గురించి ప్రతిపాదించబడిన అధ్యాయమగుటచే దీనికి భక్తియోగమను పేరు వచ్చినది. భక్తియొక్క స్వరూపము, భక్తుని లక్షణములు, వివిధ ఆధ్యాత్మిక సాధనములు ఈ అధ్యాయమున పేర్కొనబడినవి. ఈ అధ్యాయము భక్తితో ప్రారంభింపబడి భక్తితో అంతమైనది. కేవలము 3 శ్లోకములలో మాత్రమే జ్ఞానసాధనను గూర్చి వర్ణింపబడినది. అదియును భక్తి – జ్ఞానయోగముల యొక్క తులనాత్మక వివేచనకై చేయబడినది. ఈ ప్రకారముగ భక్తిని గూర్చియు, భక్తుని గూర్చియు విశేషముగ తెలుపబడుట వలన ఈ అధ్యాయమునకు ‘భక్తియోగము’ అను పేరు వచ్చినది.
- సాకార, నిరాకారోపాసకులను గూర్చిన విషయములు (1వ శ్లో॥ నుండి 5వ శ్లో॥ వరకు)
- భక్తియొక్క మహత్తరఫలము (6వ శ్లో॥ నుండి 8వ శ్లో॥ వరకు)
- వివిధ ఆధ్యాత్మికసాధనలు (9వ శ్లో॥ నుండి 12వ శ్లో॥ వరకు)
- భక్తుని లక్షణములు (13వ శ్లో॥ నుండి 20వ శ్లో॥ వరకు)