భగవద్గీత - అర్జునవిషాదయోగము - మొదటి అధ్యాయము

ఇప్పుడు యుద్ధము ప్రకటించినప్పటికిని నేను శస్త్రములను త్యజించుదును. వారి ఎట్టి క్రియకైనను ప్రతిక్రియ జేయబూనను. అప్పుడు ఒకవేళ వారును యుద్ధము విరమించినచో ఆత్మీయులందరును రక్షింపబడెదరు. కాని ఒకవేళ వారట్లు చేయక నన్ను నిరాయుధుని, యుద్ధనివృత్తునిగా భావించి వధించినను ఆ మృత్యువు కూడా నాకు అత్యంత కళ్యాణకారకమే అగును. ఏలనన, దీనితో నేను ముందుగా వంశనాశనమనెడు భయంకర పాపము నుండి కాపాడబడుదును. మా సోదరులు, బంధువులు, ఆత్మీయులు రక్షింపబడుదురు. కుల రక్షాజనితమగు మహాపుణ్యకర్మ ఫలము వలన నాకు పరమ పద ప్రాప్తి కూడా సుకరమైపోవును.