భగవద్గీత - అర్జునవిషాదయోగము - మొదటి అధ్యాయము

నాకు ఈ రాజ్యము, సుఖభోగముల అవసరము ఏమాత్రమూ లేనేలేదు. ఏలనన, ఇవి అనిత్యములేగాక, వీటివలన శాశ్వతమైన ఆనందము కూడా కలుగదని నేను ఎరుగుదును. నా ఈ సోదరులు, బంధువులు మొదలగు సర్వజనులకొరకే నేను రాజ్యాదులను కోరుచుంటివి. కాని వీరందరును యుద్ధమున తమ ప్రాణములను అర్పించుటకు సంసిద్ధముగా నిలిచియున్నట్లు తోచుచున్నది. ఒకవేళ వీరందరును రణరంగమున మృత్యువాత పడినచో, ఈ రాజ్యము, సుఖములు, భోగములు ఎందులకు? అందుచే ఏవిధముగ జూచినను పోరుసల్పుట ఉచితము కాదు.’ అని అర్జునుడు ఇచట తన అభిప్రాయమును వెల్లడించుచున్నాడు.